Təlim və tədbirlər Vizası

1) Xarici pasport

• Xarici pasport üzv dövləti ərazisindən nəzərə tutulan son dönüş günündən ən azı üç ay sonrakı müddətə qədər etibarlı olmalıdır.
• Son 10 il ərazində verilmiş olmalıdır.
• Viza üçün xarici pasportda ən azı iki boş səhifə olmalıdır.

2) Viza ərizə forması:

• Viza ərizə forması qalma müddəti dəqiq göstərilməklə, səhvlər olmadan, imzalanmış və düzgün doldurulmalıdır:
• Visa ərizə formasını (3 aydan az müddətdə qalmanı təsdiqləyən viza üçün) Macarıstan səfirliyinin Konsulluq İdarəsindən və ya Macarıstanın Viza Mərkəzindən əldə edə və ya aşağıdakı keçidlərdən English, Russian yükləyə bilərsiniz.
• Ərizənin İngilis dilində doldurulması məqsədə uyğundur.

3) Şəkil:

• Şəkil rəngli, 3,5 x 4,5 sm ölçülü olmalıdır;
• Şəkil yalnız ağ rəngli arxa fonda çəkilməlidir.
• Şəklin çəkilmə müddəti 6 aydan çox olmamalıdır. Şəkil viza müraciət formasına əlavə ediləcək.

4) Tibbi sığorta:

• Tibbi sığorta Şengen bölgəsinin bütün üzv dövlətlərin ərazisində yaşadığı bütün dövr üçün etibarlı olmalıdır;
• Planlaşdırılan bütün qalma və ya transit dövrünü əhatə etməlidir;
• Sığorta dəyəri Minimum 30.000 avro olmalıdır ;
• Qalan gün həcminə 2 əlavə gün əlavə etmək tövsiyə olunur.

5) Tələb olunan sənədlər:

• İş yeri olanlar üçün - iş yerindən təqdim olunmuş orijinal arayış, əmək haqqı daxil olmaqla işçinin ünvanı və əlaqə məlumatı ingilis dilinə tərcümə olunmuş notarial qaydada təsdiqlənmiş formada (məlumatın original İngilis dilində möhür və imzalı şəkildə olması da qəbul ediləndir).
• Fərdi iş adamları üçün - ingilis dilinə tərcümə notarial qaydada təsdiq olunmuş şirkətin (VÖEN) qeydiyyatı haqqında şəhadətnaməsi; Fərdi sahibkarlar üçün isə - reyestrdən çıxarışın notariat ilə ingilis dilinə tərcüməsinin təsdiqi;
• Təqaüdçülər üçün - təqaüdün məbləği haqqında ingilis dilinə tərcümə və notarial qaydada təsdiq olunmuş Dövlət Sosial Müdafiə Fondundan arayış;
• Tələbələrin təhsil yerindən arayış (ingilis dilinə notarial təsdiq edilmiş tərcümə), və ya tələbə kartının surəti (ingilis dilinə notarial təsdiq edilmiş tərcümə ilə) və gəlirin olmaması nəzərə alaraq, onların valideynlərindən birinin iş yerindən sənəd təqdim edilməlidir və ya bütün xərcləri əhatə edən digər dəstək üçün ingilis dilinə notarial təsdiq tərcümə ilə ;
• Işsizlər üçün - son 6 ay ərzində hesabatları ilə cari bank hesabı haqqında bank arayışı, ərizəçinin adına olan kupça;
• Bütün kateqoriyalar üçün tələb edilir - cari bank hesabı haqqında tam məlumat haqqında bankdan arayış.

6) Təlim və tədbir səfər məqsədi üçün sənədlər: Macarıstandan göndərilmiş dəvət olunan şəxsin adına dəvət etmiş təşkilat adından təsdiq olunmuş dəvət məktubu (üzərində möhür və imza ilə). Burada təlim və tədbirlərin məqsədləri və tarixləri haqqında məlumat olmalıdır. Əgər dəvət edən təşkilat dəvət olunmuş şəxsin məskunlaşmasını və xərclərini qarşılayarsa bu haqda məlumat dəvət məktubunda qeyd edilməlidir (Yaşayış yerinin konkret ünvanı barədə məlumat). Əgər dəvət olunan şəxs oteldə qalmağı planlaşdırırsa və bu xərc dəvət edən tərəfindən ödənilmirsə o zaman otelin möhürlü və imzalı təsdiq məktubunu təqdim etməlidir.

7) Bütün tələb olunan surətlər (kserokslar):

• Xarici pasport (əgər son üç ildə Şengen vizası varsa onun surəti);
• Şəxsiyyət vəsiqəsi (A4 formatında);
• Tibbi sığorta;
• Bilet;
• Əgər evli olan şəxslər birlikdə səyahət edirlərsə evlilik haqqında şəhadətnamənin notarial qaydada ingilis dilinə tərcümə olunmuş forması təqdim olunmalıdır. Əgər evli olan şəxslərdən biri tək səyahət edirsə və digəri bütün xərcləri ödəyirsə sponsurluq haqqında etibarnamənin və evlilik haqqında şəhadətnamənin ingilis dilində tərcüməsinin notarial təsdiqi təqdim edilməlidir.

Bütün sənədlər A4 formatında çap olunmalıdır

Konsul əlavə olaraq digər sənədləri tələb edə bilər

Əgər müraciət edən şəxs Azərbaycan Respublikasının vətəndaşı deyilsə, Azərbaycan Respublikası ərazisində şəxsin qanuni qalmağını təsdiq edən hüquqi sənədi təqdim etməlidir.